కర్నూలు: అల్పపీడనంతో రైతులు జాగ్రత్త పడాలి: జేడీఏ

బంగాళాఖాతంలో అల్పపీడనంతో భారీ వర్షాలు కురుస్తాయని, రైతులు అప్రమత్తంగా ఉండి పంటలను కాపాడుకోవాలని కర్నూలు జిల్లా వ్యవసాయ శాఖ జేడీఏ వరలక్ష్మి, కోడుమూరు ఏవో రవిప్రకాష్ ఆదివారం ఒక ప్రకటనలో పేర్కొన్నారు. వేరుశనగ, పత్తి, ఆముదం, మొక్కజొన్న తదితర ప్రధాన పంటలు భారీ వర్షాలకు దెబ్బతినకుండా ముందస్తు జాగ్రత్తలు పాటించాలని సూచించారు. పొలాల్లో నీరు నిలబడకుండా ఉండేందుకు వెంటనే బయటకు పంపాలని అన్నారు.