పత్తికొండ: భారీ వర్షాలతో నీట మునిగిన కంది పంట

పత్తికొండ నియోజకవర్గంలోని మద్దికెర మండలం ఎడవలి, బొమ్మనపల్లి గ్రామాల్లో గురువారం కురిసిన భారీ వర్షాలకు కంది పంట నీట మునిగింది. రెండు రోజుల నుంచి ఎడతెరిపి లేని వర్షాలు పడటం వల్ల పొలాల్లో తేమ అధికంగా ఉందని, అధిక వర్షాల వల్ల పంటలు దెబ్బతింటున్నాయని రైతులు ఆవేదన వ్యక్తం చేస్తున్నారు. అలాగే ఉల్లి పంట కూడా దెబ్బతినడంతో రైతులు పంటను కాపాడుకోవడానికి ఆపసోపాలు పడుతున్నారు.