కోడుమూరు: భారీగా కర్ణాటక మద్యం స్వాధీనం.. వ్యక్తి అరెస్టు

కోడుమూరు ఎక్సైజ్ స్టేషన్ పరిధిలోని కృష్ణగిరి మండలం తొగర్చేడులో గురువారం కర్నూలు ఎన్ఫోర్స్మెంట్, కోడుమూరు ఎక్సైజ్ అధికారులు మూకుమ్మడిగా దాడులు నిర్వహించారు. తొగర్చేడుకు చెందిన రామానాయుడు అనే వ్యక్తిని అదుపులోకి తీసుకుని రూ. 55 వేలు విలువ చేసే కర్ణాటకకు చెందిన 1440 మద్యం టెట్రా ప్యాకెట్లను స్వాధీనం చేసుకున్నట్లు ఎక్సైజ్ సీఐ మంజుల తెలిపారు. అసాంఘిక కార్యకలాపాలకు పాల్పడితే చర్యలు తీసుకుంటామన్నారు.