కోడుమూరు: ముగిసిన దసరా శరన్నవరాత్రోత్సవాలు

కోడుమూరు నియోజకవర్గంలో దసరా మహోత్సవాలు ఆదివారం ముగిశాయి. దసరా ఉత్సవాల్లో భాగంగా అమ్మవార్లకు భక్తులు ప్రత్యేక పూజలు చేశారు. మండల కేంద్రం కోడుమూరులోని శ్రీవల్లెలాంబదేవి, శ్రీకాళికామాతా, శ్రీకన్యకాపరమేశ్వరీ, శ్రీచౌడేశ్వరీదేవి, శ్రీగంగమ్మ, శ్రీతులజా భవాని ఆలయాల్లో అమ్మవార్ల ప్రత్యేక అలంకరణలో దర్శనమిచ్చారు. మహిళలు పెద్దఎత్తున బోనాలతో వెళ్లి శ్రీవల్లెలాంబదేవికి నైవేద్యాలను సమర్పించారు.