అవనిగడ్డ: లక్ష్మీనారాయణ స్వామి ఆలయంలో కోటి దీపోత్సవం

అవనిగడ్డలోని శ్రీ లక్ష్మీ నారాయణ స్వామి వారి దేవస్థానంలో కార్తీక మాసం పురస్కరించుకొని బుధవారం రాత్రి కోటి దీపోత్సవం ఘనంగా నిర్వహించారు. ఈ సందర్భంగా స్వామి వారి కళ్యాణ మహోత్సవం అంగరంగ వైభవంగా జరిగింది. అవనిగడ్డ ఎమ్మెల్యే మండలి బుద్ధప్రసాద్ దంపతులు విచ్చేసి కార్తీక దీపాలు వెలిగించారు. కళ్యాణ మహోత్సవంలో భాగస్వాములయ్యారు. ఈ సందర్భంగా దేవస్థానం వేద పండితులు కళ్యాణమూర్తులకు నవవిధ హారతులు ఇచ్చారు.