పెడన: జాబ్ క్యాలెండర్ ను ఆవిష్కరించిన ఎమ్మెల్యే

పెడన నియోజకవర్గానికి సంబంధించి ఈ ఆర్థిక సంవత్సరంలో ఆంధ్రప్రదేశ్ రాష్ట్ర నైపుణ్యాభివృద్ధి సంస్థ ద్వారా చేపట్టబోయే జాబ్ మేళాల వివరాల క్యాలెండర్ ను ఎమ్మెల్యే కాగిత కృష్ణప్రసాద్ మంగళవారం ఆవిష్కరించారు. ఈ నెల 22న బొడ్డు నాగయ్య ప్రభుత్వ జూనియర్ కళాశాలలో నిర్వహించనున్న జాబ్ మేళాను పురస్కరించుకుని ఎమ్మెల్యేను కలిసిన సిబ్బందితో మాట్లాడారు. నిరుద్యోగ యువత ఈ అవకాశం సద్వినియోగం చేసుకోవాలన్నారు.