పారా లీగల్ వాలంటీర్ల పోస్టులకు దరఖాస్తుల ఆహ్వానం

మండల న్యాయసేవాధికార సంస్థలో పారా లీగల్ వాలంటీర్లుగా పని చేసేందుకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్టు కృష్ణా జిల్లా ప్రధాన న్యాయమూర్తి అరుణ సారెక ఓ ప్రకటనలో తెలిపారు. పదవ తరగతి ఉత్తీర్ణులై 18 సంవత్సరాలు వయసు నిండిన వారు దరఖాస్తు చేసుకోవాలని సూచించారు. ఆసక్తి కలిగిన అభ్యర్థులు మచిలీపట్నం జిల్లా కోర్టులోని న్యాయసేవాధికార సంస్థ కార్యాలయంలో ఈ నెల 30లోపు దరఖాస్తు ఇవ్వాలన్నారు.