దెబ్బతిన్న పంటలు పరిశీలించిన ఎమ్మెల్యే

మోపిదేవి మండలం బొబ్బర్లంకలో దెబ్బతిన్న వాణిజ్య పంటలను ఎమ్మెల్సీ పర్చూరి అశోక్ బాబు, ఎమ్మెల్యే మండలి బుద్ధప్రసాద్ పరిశీలించారు. బుధవారం వారిద్దరూ గ్రామంలో పర్యటించి ఇటీవలి వరదలకు గ్రామంలో దెబ్బతిన్న అరటి, పసుపు, కంద పంటలు పరిశీలించారు. పసుపు పంట దిగుబడిని ఆరబెట్టుకుంటున్న పసుపు రైతుతో మాట్లాడి ఆయనకు జరిగిన నష్టం తెలుసుకున్నారు. నష్టాన్ని ప్రభుత్వం దృష్టికి తీసుకువెళ్తామని రైతులకు భరోసా కల్పించారు.