అనపర్తి నియోజకవర్గ వ్యాప్తంగా భక్తిశ్రద్ధలతో కార్తీక మాస పూజలు

అనపర్తి నియోజకవర్గ వ్యాప్తంగా సోమవారం కార్తీక సోమవారం పూజలను భక్తిశ్రద్ధలతో నిర్వహించారు. ఈ సందర్భంగా తెల్లవారుజాము నుంచి శైవ క్షేత్రాలు భక్తులతో కిటకిటలాడాయి. భక్తులు తెచ్చిన పంచామృతాలతో స్వామి వారికి ఆలయ అర్చకులు అభిషేకం నిర్వహించారు. అనపర్తి పాత ఊరులోని ఉమా రామలింగేశ్వర స్వామి ఆలయంలో ఉయ్యాల సేవ వైభవంగా నిర్వహించగా.. పెద్ద ఎత్తున భక్తులు పాల్గొని స్వామి అమ్మ వార్లను దర్శించుకున్నారు.