వేంపల్లి: అన్నపూర్ణ దేవి అలంకారంతో గౌరీదేవి

వేంపల్లె బలిజ సంఘం వీధిలో వెలసిన శ్రీ గౌరీదేవి ఆలయంలో అమ్మవారు అన్నపూర్ణ దేవి అలంకారంతో భక్తులకు దర్శనమిచ్చారు. కార్తీక మహోత్సవాల్లో భాగంగా బుధవారం ఆలయ అర్చకులు శంకరమంచి ప్రసాద్ శర్మ ఆధ్వర్యంలో గౌరీ దేవి అమ్మవారిని ప్రత్యేకంగా అలంకరించి పూజలు చేశారు. అమ్మవారికి అభిషేకాలు కుంకుమార్చన తదితర పూజారి కార్యక్రమాలు నిర్వహించారు. ఉభయ దారుల పూజల అనంతరం భక్తులకు తీర్థప్రసాదాలను అందజేశారు.