తుని: ఎమ్మెల్యే దివ్య చిత్రపటానికి మత్స్యకారుల పాలాభిషేకం

తుని ఎమ్మెల్యే యనమల దివ్యకు మత్స్యకారులు క్షీరాభిషేకం నిర్వహించారు. మత్స్యకారుల సమస్యలపై అసెంబ్లీలో చర్చించడంపై మత్స్యకారులు హర్షం వ్యక్తం చేశారు. తొండంగి మండలం ఎర్రయ్య పేటలో మాజీ సర్పంచ్ సూరాడ రాంబాబు, మాజీ ఎంపీటీసీ బడే మంగ ఆధ్వర్యంలో మత్స్యకారులు యనమల దివ్య చిత్రపటానికి క్షీరాభిషేకం చేశారు. తమ ఆర్థిక స్థితిగతులు మార్చేందుకు ప్రభుత్వంపై ఒత్తిడి పెంచుతున్న తీరుకు గంగ పుత్రులు ఆమెను కొనియాడారు.