మామిడికుదురు: స్వర్ణ పంచాయితీ కార్యక్రమంపై డీపీవో సమీక్ష

మామిడికుదురు మండలం మామిడికుదురు గ్రామ పంచాయతీని కోనసీమ జిల్లా పంచాయతీ అధికారిని శాంతలక్ష్మి శనివారం పరిశీలించారు. పంచాయతీలో రికార్డులను ఆమె క్షుణ్ణంగా తనిఖీ చేశారు. స్వర్ణ పంచాయితీ కార్యక్రమం పై ఆమె సమీక్ష జరిపారు. పంచాయతీ రికార్డులను ఆన్లైన్ చేస్తున్న విధానాన్ని పరిశీలించి పలు సూచనలు చేశారు. పారిశుద్ధ్య పరిరక్షణకు ప్రాధాన్యం ఇవ్వాలన్నారు. ఆమె వెంట పంచాయతీ కార్యదర్శులు ప్రసాద్, వర్మ ఉన్నారు.