శిల్పారామంలో ఆకట్టుకున్న సాంస్కృతిక కార్యక్రమాలు

తిరుచానూరులోని శిల్పారామంలో ఆదివారం రాత్రి నిర్వహించిన సాంస్కృతిక కార్యక్రమాలు ఆకట్టుకున్నాయి. వారాంతపు కార్యక్రమాల్లో భాగంగా తిరుపతికి చెందిన శ్రీరాధిక కూచిపూడి నృత్యాలయం ఆధ్వర్యంలో కళాకారులు కూచిపూడి నృత్యాన్ని ప్రదర్శించారు. పాటకు హావభావాలతో చక్కని ప్రదర్శన ఇవ్వడంతో ప్రేక్షకులు కరతాళ ధ్వనులతో అభినందనలు తెలిపారు. అనంతరం కళాకారులను ఏఓ ఖాదర్ వల్లీ సత్కరించి, జ్ఞాపికను అందించారు.