జిల్లా పోలీస్ హెడ్ క్వార్టర్స్ లో ఘనంగా ఆయుధ పూజ
కడప జిల్లా పోలీసు హెడ్ క్వార్టర్స్ లో విజయదశమి సందర్బంగా శనివారం ఘనంగా ఆయుధ పూజ నిర్వహించారు. పోలీస్ హెడ్ క్వార్టర్స్‌లో అత్యంత భక్తి శ్రద్ధలతో ప్రజలు, పోలీసులు సుఖఃశాంతులతో ఉండాలని ఆకాంక్షిస్తూ జిల్లా ఎస్పీ హర్షవర్ధన్ రాజు, ఎస్పీ సతీమణి ప్రత్యేక పూజలు చేశారు. ఆనవాయితీ ప్రకారం పోలీసు ఆయుధాగారంలోని పోలీసులు దైనందిన విధుల్లో వినియోగించే అన్నిరకాల ఆయుధాలకు, వాహనాలకు పూజా కార్యక్రమాలు నిర్వహించారు.
