ఉరవకొండ: ప్రధాని మోదీతో సీఎం చంద్రబాబుతో కలిసి మంత్రి పయ్యావుల కేశవ భేటీ

ఢిల్లీలో రెండు రోజుల పర్యటనకు వెళ్లిన ఏపీ ముఖ్యమంత్రి చంద్రబాబు, ఆర్థిక శాఖ మంత్రి పయ్యావుల కేశవ ప్రధాని మోదీతో సోమవారం భేటీ అయ్యారు. మధ్యాహ్నం హైదరాబాద్‌లోని బేగంపేట విమానాశ్రయం నుంచి ప్రత్యేక విమానంలో బయల్దేరి వెళ్లిన వారు ఢిల్లీకి చేరుకొని నేరుగా ప్రధాని మోదీతో సమావేశమయ్యారు. అమరావతి, పోలవరం నిధులు, రాష్ట్రంలో వివిధ రహదారుల అభివృద్ధి, రైల్వేజోన్‌ శంకుస్థాపన, సెయిల్‌లో విశాఖ స్టీల్‌ విలీనం తదితర అంశాలపై చర్చించారు.