కక్కలపల్లి మార్కెట్ లో కిలో టమాటా రూ. 47... అన్నదాత హర్షం

అనంతపురంలో టమాటా ధర వారం రోజులుగా నిలకడగా ఉంది. రాప్తాడు మండలంలోని కక్కలపల్లి మార్కెట్లో కిలో రూ. 47 పలికినట్లు మార్కెటింగ్ శాఖ కార్య దర్శి రామ్ ప్రసాద్ తెలిపారు. సోమవారం మార్కెట్ కు 1350 టన్నుల టమాటాలు వచ్చాయని చెప్పారు. సరాసరి ధర కిలో రూ. 38, కనిష్ఠంగా రూ. 30 పలికినట్లు పేర్కొన్నారు. ధరలు నిలకడగా కొనసాగుతుండటంతో రైతుల్లో ఆనందం నెలకొంది.