కళ్యాణదుర్గం: వర్షానికి కూలిన పాఠశాల ప్రహరీ గోడ

బ్రహ్మసముద్రంలో గత మూడు రోజులుగా కురుస్తున్న వర్షాలకు కేజీబీవీ బాలికల పాఠశాలలో సుమారు వంద మీటర్ల ప్రహారీగోడ ఆదివారం కూలి పడింది. అసలే ప్రహారీగోడ ఎత్తులేక బాలికలు ఇబ్బందిపడుతుంటే గోరు చుట్టపై రోకలి పోటుల అన్న చందంగా ఉన్న గోడ సైతం పడిపోవడంతో పాఠశాలలో విద్యార్థినులు, సిబ్బంది బిక్కుబిక్కుమంటూ కాలం వెళ్లదిస్తున్నారు. అధికారులు స్పందించాలని విద్యార్థుల తల్లిదండ్రులు, గ్రామస్తులు కోరుతున్నారు.