సర్వాయి పాపన్న జయంతి వేడుకలు

యాదాద్రి జిల్లా ఆలేరు మండల కేంద్రంలో మంగళవారం మండల గౌడ సంఘం ఆధ్వర్యంలో సర్దార్ సర్వాయి పాపన్న జయంతి వేడుకలు ఘనంగా నిర్వహించారు. ఈ సందర్బంగా కాంగ్రెస్ పార్టీ ఆలేరు నియోజకవర్గ ఇంచార్జ్ బిర్లా ఐలయ్య సర్వాయి పాపన్న చిత్ర పటానికి పూలమాల వేసి నివాళులర్పించారు. ఈ సందర్భంగా మాట్లాడుతూ.. సర్వాయి పాపన్న నిజాం నవాబు కాలంలో ప్రజల పై జరుగుతున్న ఆకృత్యాలను అరికట్టేందుకు.. గెరిల్లా సైన్యం ఏర్పాటు చేసి, సామాన్య ప్రజలకు గుండెధైర్యాన్ని కలిగించాడని, ఆ వీర పురుషుని సేవలు సమాజం ఎప్పటికి గుర్తుంచుకోవాలన్నారు.