ద్విచక్ర వాహనం అదుపుతప్పి వ్యక్తికి తీవ్ర గాయాలు

ద్విచక్ర వాహనం అదుపుతప్పి వ్యక్తికి తీవ్రగాయాలు అయిన సంఘటన పినపాక మండలంలో మంగళవారం రాత్రి చోటు చేసుకుంది. వివరాల్లోకి వెళ్తే.. ములుగు జిల్లా మంగపేట మండలం బ్రాహ్మణపల్లి చెక్ పోస్ట్ గ్రామానికి చెందిన యధల సురేందర్ మంగపేట వైపు నుంచి మణుగూరు వైపు వెళ్తున్న క్రమంలో మంగళవారం అర్ధరాత్రి సుమారు ఒంటిగంట సమయంలో పినపాక మండలం, మల్లారం మూల వద్ద తన ద్వి చక్రవాహనం అదుపుతప్పి పక్కనే ఉన్న ఎన్ ఆర్ జి ఎస్ గోడకు తగలడంతో కాలు విరిగి తీవ్ర గాయాలపాలయ్యాడు. అదే గ్రామానికి చెందిన కాంగ్రెస్ పార్టీ మండల యువజన అధ్యక్షుడు చందా వరప్రసాద్, పడిగ సాయిలు 108 వాహనానికి సమాచారం ఇచ్చి దగ్గరుండి క్షతగాత్రున్ని మణుగూరు ప్రభుత్వ ఆసుపత్రికి తరలించారు.