దుగ్గొండి: రోడ్డు ప్రమాదంలో వృద్ధుడి మృతి

వరంగల్ జిల్లా దుగ్గొండి మండలం గిర్నిబావి గ్రామంలో ఆదివారం జరిగిన రోడ్డు ప్రమాదంలో వృద్ధుడు మృతి చెందారు. స్థానికులు తెలిపిన వివరాల ప్రకారం నర్సంపేటకు చెందిన వృద్ధుడు ఐలయ్య గిర్నిబావిలో వరంగల్ - నర్సంపేట ప్రధాన రహదారిపై నడుచుకుంటూ వెళ్తున్నారు. ఈ క్రమంలో గుర్తు తెలియని ఓ వాహనం ఢీకొంది. చికిత్స నిమిత్తం వరంగల్ ఎంజీఎం ఆసుపత్రిలో చేర్పించగా మృతి చెందారు.