రామప్ప దేవాలయంలో ప్రత్యేక పూజలు

ములుగు జిల్లా వెంకటాపూర్ మండలం పాలంపేటలో ఉన్న రామప్ప రామలింగేశ్వర స్వామి ఆలయానికి కార్తీక మాసం మొదటి సోమవారం సందర్భంగా భక్తులు భారీగా తరలివచ్చారు. ఉదయం భక్తులు స్వామివారికి అభిషేకాలు నిర్వహించారు. అనంతరం ఆలయ అర్చకులు శివ లింగాన్ని సుందరంగా అలంకరించారు. భక్తులు ప్రత్యేక పూజలు నిర్వహించి దర్శించుకుంటున్నారు. ఆలయ ప్రాంగణం హరహర మహాదేవ శంభో శంకర నామ స్మరణతో మారుమోగింది.