గోవిందరావుపేట మండలంలో కారు ఢీకొని వ్యక్తి మృతి

రోడ్డు దాటుతున్న క్రమంలో కారు ఢీకొని వ్యక్తి మృతి చెందిన ఘటన ఆదివారం గోవిందరావుపేట మండలంలో జరిగింది. స్థానికుల వివరాల ప్రకారం.. పసర గ్రామానికి చెందిన మద్దారపు వెంకటేశ్వర్లు అనే వ్యక్తి ఆరోగ్యం బాగాలేక బైక్ పై పసర ప్రాథమిక ఆరోగ్య కేంద్రానికి వెళ్తున్నాడు. రోడ్డు దాటే క్రమంలో కారు ఢీకొని తీవ్రంగా గాయపడ్డాడు. అతనిని ములుగు ఏరియా ఆసుపత్రికి తరలించగా అప్పటికే మృతి చెందాడని ఆసుపత్రి డాక్టర్లు తెలిపారు.