కోస్గి: ఇళ్ల గుర్తింపు పకడ్బందీగా నిర్వహించాలి

ఇంటింటి సమగ్ర కుటుంబ సర్వే చేపట్టేందుకు ఎన్యు మరెట్ బ్లాక్లో ఇళ్ల గుర్తింపును పకడ్బందీగా చేపట్టాలని కలెక్టర్ సిక్తా పట్నాయక్ అన్నారు. శుక్రవారం కొడంగల్ నియోజకవర్గం కోస్గి మండలం నాచారం గ్రామంలో అధికారులు చేపట్టిన ఇళ్ల గుర్తింపు ప్రక్రియను పరిశీలించారు. మూడు రోజుల్లో ఇళ్లకు గుర్తింపు స్టికర్లు అతికించాలని సూచించారు. ప్రతి ఇంటికి గుర్తింపు స్టిక్కర్ అంటించాలని, సర్వేకు ప్రజలు సహకరించాలని కోరారు.