జాతీయ స్థాయిలో మంచిర్యాల జిల్లా కూచిపూడి కళాకారుల ప్రతిభ

కార్తీక పౌర్ణమిని పురస్కరించుకొని శ్రీకాళహస్తిలో రెండు రోజుల పాటు నిర్వహించిన జాతీయ స్థాయి నృత్య పోటీలలో మంచిర్యాల కళాకారులు సోమవారం ప్రతిభ కనబరిచారు. జిల్లా కేంద్రంలోని శ్రీ నందిని నృత్యాలయం ఫౌండర్, నాట్య విభూషణి అన్నం కల్పన శిష్య బృందం కూచిపూడి నాట్యం అందరి ప్రశంసలు అందుకుంది. అనంతరం కళాకారులతో పాటు గురువు అన్నం కల్పనను ఘనంగా సత్కరించి అవార్డు, సర్టిఫికెట్, మెడల్స్ ప్రధానం చేశారు.