బెల్లంపల్లి: కబ్జాదారులపై కొరడా ఝలిపించాలని వినతి

బెల్లంపల్లిలో భూకబ్జాదారులపై కొరడా ఝలిపించాలని ఎంసీపీఐయు నాయకులు సబ్బని రాజేంద్రప్రసాద్, పసులేటి వెంకటేశులు కోరారు. ఈ మేరకు బెల్లంపల్లి తాసిల్దార్ జ్యోష్నకు శుక్రవారం వినతి పత్రం సమర్పించారు. అక్రమార్కుల నుంచి ప్రభుత్వ భూములను కాపాడాలని వినతి పత్రంలో పేర్కొన్నారు. దొంగ పత్రాలు సృష్టించి అధికారులు, ప్రజాప్రతినిధుల అండదండలతో కొంత మంది అక్రమార్కులు అప్పనంగా భూకబ్జాలు చేస్తున్నారని ఆరోపించారు.