దేవరకద్ర: మయూర వాహనంలో కురుమూర్తి స్వామి ఊరేగింపు

దేవరకద్ర నియోజకవర్గంలోని శ్రీకురుమూర్తి స్వామి బ్రహ్మోత్సవాల్లో భాగంగా మొదటి రోజైన శనివారం స్వామివారి కల్యాణోత్సవం వైభవంగా నిర్వహించారు. రాత్రి మయూర వాహనంపై ఊరేగుతూ స్వామివారు భక్తులకు దర్శనమిచ్చారు. ఈ సందర్భంగా స్వామివారిని మయూర వాహనంలో పురవీధుల గుండా ఊరేగిస్తూ భక్తుల గోవింద నామస్మరణలతో కాంచన గుహలు మారు మ్రోగాయి. ఈ కార్యక్రమంలో ఆలయ ఛైర్మన్ గౌని గోవర్ధన్ రెడ్డి, ఈఓ మధుమేశ్వర్ రెడ్డి తదితరులు పాల్గొన్నారు.