దాడి ఘటనపై కేస్ నమోదు

అశ్వారావుపేట మండలంలో ఇరు వర్గాల మధ్య జరిగిన భూ వివాదంలో జేష్ఠ సత్యనారాయణ చౌదరి ఒక వర్గానికి అనుకూలంగా మాట్లాడారు. దీనిని మనసులో పెట్టుకుని మరో వర్గానికి చెందిన పేరాయిగూడెం నివాసి గుర్రాల సాయి మంగళవారం కారులో ఇంటికి వెళ్తున్న సత్యనారాయణ చౌదరిని ఆపి దుర్భాషలాడుతూ దాడికి పాల్పడ్డాడు. చంపుతానని బెదిరించాడు. బాధితుడి ఫిర్యాదు మేరకు కేసు నమోదు చేసి విచారిస్తున్నట్లు ఎస్సై తెలిపారు.