నేడు కారేపల్లిలో సీపీఎం మండల మహాసభ

సింగరేణి మండల సీపీఎం 9వ మహాసభకు కారేపల్లి ఎర్రతోరణాలతో ముస్తాబైంది. ఆదివారం కారేపల్లి వైఎన్ గార్డెన్ లో జరిగే సీపీఎం మండల మహాసభ సందర్భంగా కార్యాలయాలను ఎర్రతోరణాలతో అలంకరించారు. ఈ సందర్భంగా సీపీఎం జిల్లా నాయకుడు కొండబోయిన నాగేశ్వరరావు మాట్లాడుతూ.. ఈ మహాసభలో నిర్మాణాత్మక చర్చలు ఉంటాయని, కేంద్ర, రాష్ట్ర ప్రభుత్వాలు అనుసరిస్తున్న ప్రజా వ్యతిరేక విధానాలపై ప్రజాపోరాటాలకు దిశానిర్ధేశం జరుగుతుందన్నారు.