వేములవాడ రాజన్న సన్నిధిలో భక్తుల కోలాహలం

దక్షిణ కాశీగా పేరుగాంచిన వేములవాడ శ్రీరాజరాజేశ్వర స్వామి వారి ఆలయంలో కార్తీక మాస శుక్రవారం నేపథ్యంలో భక్తులు కుటుంబ సమేతంగా వచ్చారు. కార్తీకదీపాలు వెలిగించి స్వామివారి సేవలో తరించారు. భక్తుల ధర్మ దర్శనంలో ఇబ్బందులు లేకుండా ఆలయ అధికారులు పర్యవేక్షించారు. అందరిని చల్లంగా చూడు రాజన్న స్వామి అంటూ భక్తజనం స్వామి వారిని వేడుకున్నారు. స్వామివారికి ఇష్టమైన కోడె మొక్కులు చెల్లించుకున్నారు.