రైతులు పాడి పరిశ్రమపై దృష్టి సారించాలి: చొప్పదండి ఎమ్మెల్యే సత్యం

రైతులు వ్యవసాయంతో పాటు, పాడి పరిశ్రమపై దృష్టి సారించాలని, చొప్పదండి ఎమ్మెల్యే మేడిపల్లి సత్యం సూచించారు. బోయినపల్లి మండలం స్తంభంపల్లి గ్రామంలో ఆదివారం నూతన పాల కేంద్ర భవనాన్ని కరీంనగర్ జిల్లా డైరీ ఛైర్మన్ చల్మెడ రాజేశ్వరరావుతో ఆయన కలిసి ప్రారంభించారు. ఈ సందర్భంగా ఆయన మాట్లాడుతూ పాడి పరిశ్రమకు పోటీ లేదని, ప్రతి రైతు పాడి పరిశ్రమపై దృష్టి సారించి ఆర్థికంగా ఎదగాలన్నారు.