అబిడ్స్ లోని టపాసుల షాప్లో భారీ అగ్ని ప్రమాదం

హైదరాబాద్ అబిడ్స్లో భారీ అగ్నిప్రమాదం సంభవించింది. బొగ్గులకుంట మయూర్ పాన్ షాప్ సమీపంలోని ఓ టపాసుల హోల్ సేల్ షాప్లో ఒక్కసారిగా మంటలు ఎగిసిపడ్డాయి. విషయం తెలుసుకున్న పోలీసులు, అగ్నిమాపక సిబ్బంది హుటాహుటిన ఘటనా స్థలానికి చేరుకున్నారు. ప్రమాద తీవ్రత అధికంగా ఉండటంతో 4 ఫైర్ ఇంజిన్ల సహాయంతో మంటలను అదుపులోకి తీసుకొస్తున్నారు. ఎలాంటి ప్రమాదం జరగకుండా ట్రాఫిక్ పోలీసులు వాహనాల మళ్లింపు చేపట్టారు.