లంగర్‌హౌ‌స్‌: ఆస్తిలో వాటా ఇవ్వాలని మామ, బామ్మర్దిపై కానిస్టేబుల్ దాడి
ఆస్తిలో వాటా ఇవ్వాలని మామ, బామ్మర్దిపై ట్రాఫిక్ కానిస్టేబుల్ దాడి చేసిన ఘటన హైదరాబాద్‌లోని లంగర్‌హౌ‌స్‌లో బుధవారం చోటు చేసుకుంది. లంగర్‌హౌ‌స్‌‌కు చెందిన ట్రాఫిక్ కానిస్టేబుల్ షాహిద్ ఖాన్ ఆస్తి విషయమై మామ మోహిద్, బామ్మర్ది అబ్దుల్ వాహిద్‌తో గొడవకు దిగాడు. అక్కడితో ఆగకుండా వారిపై దాడి చేశాడు. ‘మీ అంతు చూస్తా’ అంటూ బెదిరించాడు. తనకు ప్రాణ హాని ఉందంటూ మామ మోహిద్ ఫిర్యాదుతో పోలీసులు కేసు నమోదు చేశారు.
