వనపర్తి: జూరాల ప్రాజెక్టు 11 గేట్లు ఎత్తివేత

ఎగువన కురుస్తున్న వర్షాలతో వనపర్తి జిల్లా ప్రియదర్శిని జూరాల ప్రాజెక్టుకు మళ్లీ వరద పోటెత్తింది. వారం రోజులుగా స్వల్పంగా వస్తున్న ఇన్ ఫ్లో శుక్రవారం మరింత పెరిగింది. 75వేల క్యూసెక్కుల ఇన్ ఫ్లో నమోదైనట్లు పీజేపీ అధికారులు తెలిపారు. దీంతో శనివారం ప్రాజెక్టు 11 క్రస్టు గేట్లను ఎత్తి వరద నీటిని దిగువకు విడుదల చేస్తున్నారు. ప్రాజెక్టు నుంచి మొత్తం 85, 356 క్యూసెక్కుల నీటిని దిగువకు విడుదల చేస్తున్నారు.