నారాయణపేట: కార్తీక పౌర్ణమి సందర్భంగా ఆలయాల్లో ప్రత్యేక పూజలు

కార్తీక పౌర్ణమి పురస్కరించుకొని శుక్రవారం నారాయణపేట పట్టణంలోని శైవక్షేత్రాల్లో మహిళలు ప్రత్యేక పూజలు చేసి దీపారాధన నిర్వహించారు. శివలింగేశ్వర స్వామి ఆలయంలో అక్కమహాదేవి సంఘం మహిళలు భక్తిశ్రద్ధలతో స్వామి వారికి అభిషేకాలు, పూజలు, మహా మంగళ హారతులు చేశారు. అనంతరం ఆలయంలో కార్తీకదీపాలు వెలిగించారు. పెద్ద సంఖ్యలో మహిళలు పాల్గొన్నారు. ఆలయ కమిటీ ఆధ్వర్యంలో భక్తులకు తీర్థప్రసాదాలు అందజేశారు.