నారాయణపేట: పుస్తకాలు చదవడంతో జ్ఞానం పెరుగుతుంది

పుస్తకాలు చదవడం ద్వారా జ్ఞానం పెరుగుతుందని గ్రంథాలయ అధికారిణి శిల్ప అన్నారు. 57వ గ్రంథాలయాల వారోత్సవాల్లో భాగంగా శుక్రవారం నారాయణపేట మున్సిపాల్టీ గ్రంథాలయంలో పుస్తక ప్రదర్శన కార్యక్రమం నిర్వహించారు. వివిధ రకాలైన పుస్తకాలను ప్రదర్శించడంతో పెద్ద సంఖ్యలో విద్యార్థులు, యువతీ యువకులు, ఉపాధ్యాయులు పుస్తకాలను చదివారు. పోటీ పరీక్షల్లో పాల్గొనే వారికి గ్రంథాలయంలో పుస్తకాలు అందుబాటులో పెట్టినట్లు చెప్పారు.