పోలీస్ కళ బృందం చేత గ్రామస్తులకు అవగాహన

ప్రజలు అత్యవసర సమయంలో డయల్ 100కు ఫోన్ చేసి పోలీసుల సహాయం తీసుకోవాలని ఏఎస్సై ఎల్లయ్య అన్నారు. మంగళవారం మరికల్ మండలం ఎలిగండ్ల గ్రామంలో సురక్ష పోలీస్ కళ బృందం సభ్యుల చేత గ్రామస్తులకు అవగాహన కల్పించారు. సైబర్ నేరాల పట్ల అప్రమత్తంగా వుండాలని, మహిళలను ఆకతాయిలు వేధిస్తే షి టీమ్ పోలీసులకు ఫిర్యాదు చేయాలని చెప్పారు. గ్రామాల్లో అనుమానాస్పదంగా ఎవరైనా కనిపిస్తే పోలీసులకు సమాచారం ఇవ్వాలని సూచించారు.