బెల్లంపల్లి: రాష్ట్ర స్థాయి బాక్సింగ్ పోటీలకు ఎంపిక
బెల్లంపల్లి సాంఘిక సంక్షేమ గురుకుల పాఠశాల సెంట్రల్ ఆఫ్ ఎక్సలెన్సీ ఎనిమిదవ తరగతికి చెందిన విద్యార్ధి పొట్ట లక్ష్మీనరసింహ అండర్- 14 విభాగంలో రాష్ట్ర స్థాయి బాక్సింగ్ పోటీలకు ఎంపికయ్యాడు. శనివారం పాఠశాలలో ఏర్పాటు చేసిన ప్రత్యేక కార్యక్రమంలో విద్యార్ధికి పుష్పగుచ్చం అందించి పాఠశాల బృందం అభినందించారు. రాష్ట్ర స్థాయి పోటీల్లో మెరుగైన ప్రతిభ చూపి మంచిర్యాల జిల్లాకు పేరు తీసుకురావాలని సూచించారు.
