ఆదిలాబాద్: జూడో పోటీల్లో జాతీయ స్థాయి పతకం సాధించిన హర్షవర్ధన్

జమ్మూ కాశ్మీర్లో నిర్వహించిన 68వ నేషనల్ స్కూల్ గేమ్స్ జూడో పోటీల్లో ఆదిలాబాద్ స్పోర్ట్స్ స్కూల్ విద్యార్థి ప్రతిభ కనబరిచాడు. పదో తరగతికి చెందిన హర్షవర్ధన్ 55 కేజీల విభాగంలో కాంస్య పతకం సాధించినట్లు జూడో కోచ్ ఎన్. రాజు తెలిపారు. జాతీయస్థాయిలో రాణించిన హర్షవర్ధన్ ను డివైఎస్ఓ వెంకటేశ్వర్లు, గిరిజన క్రీడల అధికారి పార్థసారథి, జిల్లా ఎస్జీఎఫ్ సెక్రటరీ కాంతారావుతో పాటు పాఠశాల సిబ్బంది అభినందనలు తెలిపారు.