சவுக்கு ஷங்கர் அளித்த நேர்காணல் ஒன்றில், காவல் துறை உயர் அதிகாரிகள், பெண் காவலர்கள் குறித்து அவதூறான கருத்துகளைத் தெரிவித்தார். இது குறித்து கோவை மாநகர சைபர் க்ரைம் உதவி ஆய்வாளர் சுகன்யா அளித்த புகாரின் அடிப்படையில், ஐபிசி பிரிவுகள் 294-பி (தகாத வார்த்தைகளில் பேசுதல்), 509 (பெண்களை அவதூறாகப் பேசுதல்), 353 (அரசு ஊழியர்களுக்கு மன உளைச்சலை ஏற்படுத்தி அவர்களை பணி செய்யவிடாமல் தடுத்தல்) உள்ளிட்ட 4 பிரிவுகளின் கீழ் வழக்கு பதிவு செய்து கோவை மத்திய சிறையில் அடைத்துள்ளனர்.