சிவகாசி: சஷ்டி சிறப்பு ரயில்கள் தெற்கு இரயில்வே அறிவிப்பு...

விருதுநகர் மாவட்டம்,
சென்னை-திருநெல்வேலி, திருச்செந்தூர்-சென்னைக்கு கந்த சஷ்டி சிறப்பு ரயில்கள் அறிவிப்பு. கந்த சஷ்டி திருவிழா கூட்ட நெரிசலை சமாளிக்க சென்னையில் இருந்து திருநெல்வேலிக்கும் மற்றும் திருச்செந்தூரில் இருந்து சென்னைக்கும் சிறப்பு ரயில்கள் இயக்க தெற்கு ரயில்வே ஏற்பாடு செய்துள்ளது. அதன்படி தாம்பரம் திருநெல்வேலி சிறப்பு ரயில் (06099) தாம்பரத்தில் இருந்து நவ. 6 இன்று இரவு 10. 30 மணிக்கு புறப்பட்டு மறுநாள் காலை 08. 30 மணிக்கு திருநெல்வேலி சென்று சேரும். இந்த ரயில் செங்கல்பட்டு, விழுப்புரம், விருத்தாச்சலம், திருச்சி, திண்டுக்கல், விருதுநகர், சாத்தூர், கோவில்பட்டி ஆகிய ரயில் நிலையங்களில் நின்று செல்லும். மறு மார்க்கத்தில் திருச்செந்தூர்-சென்னை சென்ட்ரல் சிறப்பு ரயில் (06100) திருச்செந்தூரில் இருந்து நவ. 7 அன்று இரவு 10. 15 மணிக்கு புறப்பட்டு மறுநாள் காலை 10. 30 மணிக்கு சென்னை சென்ட்ரல் சென்று சேரும். இந்த ரயில் ஆறுமுகநேரி, நாசரேத்,
திருநெல்வேலி, கோவில்பட்டி, சாத்தூர், விருதுநகர், மதுரை, திண்டுக்கல், திருச்சி, விருத்தாச்சலம், விழுப்புரம், செங்கல்பட்டு, தாம்பரம், எழும்பூர் ஆகிய ரயில் நிலையங்களில் நின்று செல்லும். இந்த ரயில்களில் 2 குளிர்சாதன மூன்றடுக்கு வசதி, 7 இரண்டாம் வகுப்பு படுக்கை வசதி, இரண்டாம் வகுப்பு பொது, மாற்று திறனாளிகளுக்கான பகுதியுடன் கூடிய இரண்டாம் வகுப்பு பொதுப் பெட்டிகள் இணைக்கப்படும்.