இராஜ: அரசு அலுவலங்களில் மாவட்ட ஆட்சியர் ஆய்வு....

விருதுநகர் மாவட்டம், ராஜபாளையம் தாலுகாவிற்கு உட்பட்ட பகுதிகளில் உங்களைத் தேடி உங்கள் ஊரில் என்கிற திட்டத்தின் கீழ் மாவட்ட ஆட்சியர் ஜெயசீலன் இன்று நவ. 20 பல்வேறு அரசு அலுவலகங்களுக்கு நேரில் சென்று ஆய்வு செய்து பொது மக்களின் குறைகளை கேட்டு அறிந்தார். அதன்படி மாவட்ட ஆட்சியர் ஜெயசீலன் தமிழ்நாடு நுகர்பொருள் வாணிப கழக கிடங்கு, மற்றும் நியாய விலை கடைகள் வேளாண்மை மையம் வளர்ச்சி திட்ட பணிகள் ஆய்வு, தீயணைப்பு மற்றும் மீட்பு பணி நிலையங்கள் உட்பட பல்வேறு இடங்களில் ஆய்வுகளை மேற்கொண்டார். ஒவ்வொரு அலுவலகத்திற்கும் சென்ற மாவட்ட ஆட்சியர் அலுவலகத்தில் நடைபெற்று வரும் பணிகள் நிலுவையில் உள்ள பணிகள் மாதம் தோறும் எவ்வளவு பணிகள் நிறைவடைகின்றன. மக்கள் குறைகள் மற்றும் அவை எவ்வாறு எவ்வளவு நாட்களில் பூர்த்தி செய்யப்படுகிறது என பல்வேறு கேள்விகள் எழுப்பி அரசு அதிகாரிகளின் செயல்பாடுகள் குறித்து கேட்டறிந்தார். மேலும் ஆய்வு நடைபெறும் இடங்களில் உள்ள பொதுமக்களிடையே கலந்துரையாடிய மாவட்ட ஆட்சியர் அவர்களது நிறை குறைகளை கேட்டறிந்து அதற்குரியஆலோசனைகள் வழங்கி, பொதுமக்களின் புகார் மனுக்களையும் பெற்றுக் கொண்டார். உங்களைத் தேடி உங்களது ஊரில் திட்டத்தின் கீழ் மாவட்ட ஆட்சியர் ஜெயசீலன் அரசு அலுவலங்களில் திடீர் ஆய்வு செய்தது பொது மக்களிடையே பெரும் பரபரப்பையும் மகிழ்ச்சியும் ஏற்படுத்தியுள்ளது.