சுயேச்சை வேட்பாளர் வாக்குச்சாவடியில் சுருண்டு விழுந்து பலி

மகாராஷ்டிரா பீட் சட்டமன்றத் தொகுதியில் தேர்தலில் போட்டியிட்ட சுயேச்சை வேட்பாளர் பாலாசாகேப் ஷிண்டே, வாக்குச்சாவடியிலேயே மாரடைப்பால் உயிரிழந்தார். சத்ரபதி ஷாஹு வித்யாலயா வாக்குச்சாவடியில் இருந்த அவருக்கு மயக்கம் ஏற்பட்டது. உடனடியாக அங்கிருந்தவர்கள் அவரை மருத்துவமனைக்கு அழைத்துச் சென்றனர். அங்கு, அவரை பரிசோதித்த மருத்துவர்கள், ஏற்கனவே இறந்துவிட்டதாக தெரிவித்தனர். இதனால், வாக்குச்சாவடியில் சில நேரம் பரபரப்பு காணப்பட்டது.