மோட்டார் பம்ப் செட்டுகள் பயன்பெற விண்ணப்பிக்கலாம்

2019-20 முதல் செயல்படுத்தப்பட்டு வரும் சூரிய சக்தியால் தனித்து இயங்கும் மோட்டார் பம்ப் செட்டுகள் மானியத்தில் வழங்கும் திட்டம், விருதுநகர் மாவட்டத்தில் வேளாண்மை பொறியியல் துறை மூலம் திறந்த வெளி கிணறுகள் மற்றும் ஆழ்குழாய் கிணறுகளில் சூரிய சக்தியால் இயங்கும் மோட்டார் பம்புகள் தனிப்பட்ட பொதுப் பிரிவு விவசாயிகளுக்கு 60 சதவிகிதம் அரசு மானியத்துடனும், ஆதிதிராவிட பழங்குடியினருக்கு 70 சதவீத மானியத்துடனும் மற்றும் சிறு குறு ஆதிதிராவிட வகுப்பினருக்கு 80 சதவீத மானியத்துடனும் செயல்படுத்துவதற்கு மொத்தம் 60 எண்கள் விண்ணப்பங்கள் வரவேற்கப்படுகிறது. இத்திட்டம் மாநில அரசு நிதி, மத்திய அரசின் புதிய மற்றும் புதுப்பிக்கத்தக்க எரிசக்தி துறை திட்டம் , தமிழ்நாடு மின்உற்பத்தி பகிர்மான கழகத்தின் நிதி ஆதாரத்தின் மூலம் செயல்படுத்தப்பட உள்ளது. இத்திட்டத்தின் மூலம் விவசாயிகளுக்கு 5ஹெச்பி முதல் 10 ஹெச்பி வரை மோட்டார் பம்ப் செட்டுகள் அமைத்து தரப்படும்.