சிறந்த விஞ்ஞானிகள் பட்டியலில் வேலூர் பேராசிரியர்கள்!

அமெரிக்காவின் ஸ்டேன்போர்ட்ஸ் பல்கலைக்கழகம் ஆண்டுதோறும் பல்வேறு துறைகளில் சிறந்த விஞ்ஞானிகள் தரவரிசை பட்டியலை வெளியிட்டு வருகிறது.

அதன்படி 2024 ஆகஸ்ட் மாதம் வெளியான தரவரிசை பட்டியலில் 22 அறிவியல் துறை மற்றும் 174 துணைகளின் ஆராய்ச்சியாளர்கள் இடம்பெற்றுள்ளனர். அதில் வேலூர் திருவள்ளுவர் பல்கலைக்கழகத்தைச் சேர்ந்த வேதியியல் துறை பேராசிரியர் முனைவர் மாதவன், கணிதத் துறை பேராசிரியர் முனைவர் சையது அலி மற்றும் உயிர் தொழில்நுட்பவியல் துறை பேராசிரியர் முனைவர் ராஜசேகர் ஆகிய மூன்று பேராசிரியர்கள் இடம் பெற்றுள்ளனர். குறிப்பாக உலக அளவிலான முதல் இரண்டு சதவிகித எண்ணிக்கைக்கு உள்ளான ஒரு பட்டியலில் உள்ள நபர்களில் இவர்கள் இடம் பெற்றுள்ளனர்.

அவர்களுக்கு திருவள்ளுவர் பல்கலைக்கழகத்தின் துணைவேந்தர் பேராசிரியர் முனைவர் ஆறுமுகம் மற்றும் பதிவாளர் செந்தில் வேல்முருகன் ஆகியோர் பாராட்டினர்.