மணப்பாறை லாரி மோதி நடந்து சென்றவர் பலி

கேரள மாநிலம் வயநாடு பகுதியைச் சேர்ந்தவர் ரெங்கசாமி. இவர் நேற்று (நவம்பர் 21) கேரளாவில் இருந்து மணப்பாறை அருகே உள்ள சேதுப்பட்டி பகுதிக்கு தனது சகோதரரான பெரியசாமி வீட்டிற்கு வந்துள்ளார். அப்போது மணப்பாறை செவலூர் பிரிவு சாலை அருகே சாலையை கடக்க முயற்சி செய்தபோது அவ்வழியாக வந்த ஈச்சர் வேன் ஒன்று அவர் மீது மோதி விபத்துக்குள்ளானதில் கீழே விழுந்து தலையில் பலத்த காயமடைந்த ரெங்கசாமி சம்பவ இடத்திலேயே உயிர் இழந்தார்.

இச்சம்பவம் குறித்த புகாரின் பேரில் விபத்தை ஏற்படுத்திய ஈச்சர் வேன் ஓட்டுனரான திண்டுக்கல் முத்தழகு பட்டியைச் சேர்ந்த அந்தோணிராஜ் மீது வழக்கு பதிந்து மணப்பாறை போலீசார் விசாரணை நடத்தி வருகின்றனர்.