மழவராயநல்லூரில் கட்சி கொடி ஏற்றிய த. வெ. கவினர்

தமிழக வெற்றிக் கழகத்தின் சார்பில் 200க்கும் மேற்பட்டோர் கலந்து கொண்டு கட்சி கொடியை ஏற்றி மரக்கன்றுகள் வழங்கினர்

நடிகர் விஜய்யின் தமிழக வெற்றிக்கழக மாநாடு கடந்த 27ஆம் தேதி விக்கிரவாண்டியில் நடைபெற்ற நிலையில் அதனைத் தொடர்ந்து தமிழகம் முழுவதும் பல்வேறு பகுதிகளில் தமிழக வெற்றிக்கழகத்தின் நிர்வாகிகள் கலந்து கொண்டு பல்வேறு பகுதிகளில் கட்சியின் கொடியை ஏற்றி வைத்து வருகின்றனர் அதன் ஒரு பகுதியாக திருவாரூர் மாவட்டம் முழுவதும் தமிழக வெற்றி கழகத்தின் சார்பாக பல்வேறு பகுதிகளில் கொடியேற்றும் நிகழ்வு நடைபெற்று வருகிறது.

அதன் ஒரு பகுதியாக திருவாரூர் மாவட்டம் மன்னார்குடி அருகே மழவராயநல்லூர் மற்றும் சேரி பகுதிகளில் தமிழக வெற்றி கழகத்தின் சார்பாக கொடியேற்றும் நிகழ்வு இன்று நடைபெற்றது இதில் 200க்கும் மேற்பட்ட கட்சியின் நிர்வாகிகளான ஆண்கள் மற்றும் பெண்கள் கலந்துகொண்டு தமிழக வெற்றிக் கழகத்தின் கொடி ஏற்றும் நிகழ்ச்சி நடைபெற்றது.

இதில் திருவாரூர் மாவட்ட தெற்கு தொண்டர் அணி தலைவர் UVM ராஜராஜன் கலந்துகொண்டு கொடியை ஏற்றி வைத்தார் அதனைத் தொடர்ந்து சுமார் 500க்கும் மேற்பட்ட நபர்களுக்கு தென்னங்கன்றுகள் வழங்கப்பட்டது மேலும் சுமார் 300க்கும் மேற்பட்டோருக்கு அன்னதானம் வழங்கும் நிகழ்ச்சியும் நடைபெற்றது

இந்நிகழ்ச்சியில் சேரி மற்றும் மழவராயநல்லூர் பகுதியைச் சேர்ந்த கட்சியின் முக்கிய நிர்வாகிகள் கலந்து கொண்டனர்.