கோவிந்தநத்தம் கிராமத்தில் சாலையில் நாற்று நட்டு போராட்டம்

மன்னார்குடி அருகே கோவிந்த நத்தம் கிராமத்தில் சாலையை சீரமைக்க கோரி நடவு நட்டு போராட்டம்

திருவாரூர் மாவட்டம் முழுவதும் கடந்த சில தினங்களாக பலத்த மழை பெய்து வருகிறது. கோட்டூர் ஒன்றியத்திற்குட்பட்ட கோவிந்தநத்தம் கிராமத்தில் கடந்த பல ஆண்டுகளுக்கு முன்னர் போடப்பட்ட தார் சாலை மிகவும் மோசமடைந்து குண்டும் குழியுமாக காணப்படுகிறது இதனால் வாகன ஓட்டிகள் நடந்து செல்வோர் பெரிதும் பாதிக்கப்படுகின்றனர் அவ்வப்போது சிறு சிறு விபத்துகளும் ஏற்படும் நிலையில் பள்ளி கல்லூரி செல்லும் மாணவர்களும் நாற்று நெல் மூட்டைகளை ஏற்றிச்செல்லும் வாகனங்களும் பாதிக்கப்படுகின்றன சாலையை சீரமைக்க கோரி பலமுறை அதிகாரிகளுக்கு மனு அளித்தும் நடவடிக்கை எடுக்காததால் ஆத்திரமடைந்த கோவிந்த நத்தம் கிராம மக்கள் சாலையின் நடுவே குண்டும் குழியுமான இடத்தில் தேங்கி இருந்த நீரில் நாற்று நட்டு ஆர்ப்பாட்டத்தில் ஈடுபட்டனர்.