திருக்காட்டுப்பள்ளி அருகே தூக்குப்போட்டு வாலிபர் தற்கொலை

திருக்காட்டுப்பள்ளி அருகே உள்ள கண்டமங்கலம் காளியம்மன் கோவில் தெருவை சேர்ந்தவர் ராஜ்குமார். இவரது மகன்ஸ்ரீரன் (வயது27). இவர் தீபாவளிக்கு தந்தையிடம் பணம் கேட்டுள்ளார். ஆனால் பணம் பிறகு தருகிறேன் என்று தந்தை கூறியுள்ளார். இதனால் மனமுடைந்த ஸ்ரீரன் தனது வீட்டின் மின்விசிறியில் தூக்குப்போட்டு கொண்டார்.

உடனடியாக உள்ளே சென்று அவரை மீட்டு திருக்காட்டுப்பள்ளி தனியார் ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர் ஸ்ரீரன் ஏற்கனவே இறந்துவிட்டதாக தெரிவித்தனர். இதுகுறித்து திருக்காட்டுப்பள்ளி போலீஸ் நிலையத்தில் ராஜ்குமார் புகார் செய்தார். அதன்பேரில் திருக்காட்டுப்பள்ளி போலீஸ் இன்ஸ்பெக்டர் ஜெகதீஸ்வரன் வழக்குப்பதிவு செய்து விசாரணை நடத்தி வருகிறார்.