ஒரத்தநாடு: பைக்கில் இருந்து நிலை தடுமாறி விழுந்து விவசாயிபலி

ஒரத்தநாடு அருகே கக்கரைக்கோட்டை கிராமத்தை சேர்ந்தவர் வளவப்பன். இவரது மகன் ஆறுமுகம் (70) விவசாயி. இவர் கடந்த 15ம் தேதி வீட்டில் இருந்து கடை தெருவிற்கு பைக்கில் சென்று கொண்டிருந்தார். அப்போது எதிரே வந்த பைக் நிலைத்தடுமாறி ஆறுமுகத்தின் மீது மோதியதில் படுகாயமடைந்த இவர் தஞ்சை மருத்துவக்கல்லூரி மருத்துவமனையில் சேர்க்கப்பட்டு இறந்தார். இதுகுறித்து ஓரத்தநாடு போலீசார் வழக்கு விசாரணை மேற்கொண்டுள்ளனர்.