போராட்டத்தில் ஈடுபட்ட ஆசிரியர் திடிரென மயக்கம்

மாவட்டம் முழுவதும் அரசு பள்ளிகளில் பணிபுரிந்துவரும் பகுதி நேர ஆசிரியர்கள் தங்கள் பணியை நிரந்தரம் செய்யக்கோரி சிவகங்கை ஆட்சியர் அலுவலகம் எதிரே போராட்டத்தில் ஈடுபட்டதுடன் ஆட்சியரை சந்தித்து மனு அளித்தனர். 100 க்கும் மேற்பட்டோர் போராட்டத்தில் ஈடுபட்டுவந்த நிலையில் ஆட்சியர் அலுவலக வாயிலில் நின்று ஆர்ப்பாட்டத்தில் ஈடுபட்டபோது காளையார்கோவிலை சேர்ந்த மனோகரன் என்கிற ஆசிரியர் இவர் மானாமதுரையை அருகே உள்ள மூங்கில் ஊரணி அரசு மேல்நிலைப்பள்ளியில் உடற்கல்வி ஆசிரியராக பணிபுரிந்து வருகிறார். இவர் திடிரென கூட்டத்தில் மயங்கி விழுந்தார். இதனை அடுத்து அவரை சக ஆசிரியர்கள் மீட்டு முதலுதவி அளித்ததுடன் 108 ஆம்புலன்ஸை வரவழைத்து சிவகங்கை அரசு மருத்துவக்கல்லூரி மருத்துவமனைக்கு சிகிச்சைக்காக அனுப்பி வைத்தனர். ஆசிரியர்கள் போராட்டத்தில் ஆசிரியர் ஒருவர் மயங்கிவிழுந்த சம்பவம் பெரும் பரபரப்பை ஏற்படுத்தியுள்ளது.